Edhe pse pa Lionel Messin, Argjentina e mbylli turneun në Shtetet e Bashkuara me një tjetër fitore.
Pavarësisht rotacionit me lojtarët dhe provave taktike, trajneri Skaloni arriti të mposhte Kosta Rikën me rezultatin 3-1. Di Maria, McAlister dhe Lautaro Martinez përmbysën avantazhin fillestar të kundërshtarëve.
Lajmi i vërtetë në këtë test ishte rikthimi te goli i sulmuesit të Interit, që u aktivizua nga stoli në të 71-ën dhe shënoi 6 minuta më pas.
Bëhet fjalë për një gol të shënuar me albiçelestët pas një viti e gjysmë. Hera e fundit që ai kishte festuar me Argjentinën ishte 24 shtatori i vitit 2022, në suksesin 3-0 përballë Hondurasit.
Lautaro Martinez arriti ta dërgonte topin në rrjetë me përfaqësuesen pas plotë 17 ndeshjeve pritje, ose ndryshe rreth 800 minuta lojë. (A2 Televizion)
A2 CNN Livestream
MUND TE LEXONI GJITHASHTU
