Dita e katërt e Champions League vijon me ndeshjet e kësaj të mërkure, ku në fushë do të zbresin të tjerë emra të mëdhenj. Duelet interesante nuk mungojnë, duke nisur nga supersfida në San Siro ndërmjet Interit dhe Arsenalit.
Duke parë ecurinë e rivalëve, të dyja skuadrat kanë shansin të ngjiten në zonën e sipërme të renditjes, për t’iu afruar Liverpoolit që kryeson me pikë të plota. Një përballje direkte për të siguruar kalimin në 1/8 dhe me nivel të lart vështirësie.
Edhe pse nuk po kalon momentin më të mirë në kampionat, Arsenali mbetet efektivisht një prej kandidateve kryesore për suksesin final. Në anën tjetër, Interi duhet të harrojë lodhjen e madhe përballë Venezias dhe të provojë të konfirmojë forcën në Champions.
Në fushë zbresin edhe Barcelona e Bayern. Katalanasit luajnë në trasfertën me Crvena Zvezda, përballë një rivali që i ka humbur të tre ndeshjet e para të këtij edicioni.
Bavarezët presin në shtëpi Benfican. Ojektivi është tëhidhet pas krahëve humbja 4-1 me Barcelonën dhe portugezët kanë qenë një kundërshtar komod. Në 12 përballje të luajtura, Bayerni ka fituar 9 herë dhe nuk ka pësuar asnjë humbje.
Në takimet e tjera, Atalanta luan në fushën e Stuttgart, ndërsa Paris Saint Germain sfidon Atletico Madrid, në një tjetër duel që premton spektakël. Në fushë edhe Sparta Prague e shqiptarëve, që ndeshet me befasinë e këtij edicioni, Brest. (A2 Televizion)
A2 CNN Livestream
MUND TE LEXONI GJITHASHTU
