Sondazh: Nëse i afërmi juaj e ka ditëlindjen në 29 shkurt, kur e uroni?
  • 28 shkurt 33%
  • 1 mars 33%
  • Nuk e uroj 33%

Gjashtë plumba në trup, vritet pas ndeshjes futbollisti meksikan

Nga A2 CNN
29 Janar 2024, 12:07 | Futboll

Gjashtë plumba në trup, vritet pas ndeshjes futbollisti meksikan

Një futbollist 31-vjeçar është vrarë me armë zjarri në Meksikë, pak pasi ka përfunduar një ndeshje. Sergio Alberto Jáuregui, ish-lojtar i skuadrës së futbollit Arroceros Cuautla, u vra në fushën Santa Inés, në qytetin e Cuautla.

Autoritetet policore kanë raportuar se, sipas rrëfimeve të dëshmitarëve, mëngjesin e kësaj të diele, më 28 janar, kanë marrë njoftimin për ndihmë për shkak se në fushën sportive të lagjes në fjalë ishin regjistruar të shtëna me armë zjarri.

Sipas mediave një person i armatosur ka hyrë dhe ka qëlluar mbi futbollistin dhe më pas ka hipur në një motoçikletë dhe është larguar. 31-vjeçari ndërroi jetë pasi mori gjashtë plagë me armë zjarri.

Sergio Alberto Jáuregui Ángeles ka luajtur si mbrojtës profesionist me ekipin e Arroceros del Cuautla.

A2 CNN Livestream

Ditari nga Denisa Pasholli