“Hirushja” Leverkusen shkruan historinë, mbyll sezonin pa asnjë humbje

Nga A2 CNN
18 Maj 2024, 17:45 | Futboll

“Hirushja” Leverkusen shkruan historinë, mbyll sezonin pa

Bayer Leverkusen u bë skuadra e parë në historinë e Bundesligës që përfundoi një sezon të pamposhtur pasi mposhtën Augsburgun me rezultatin 2-1 në ndeshjen e fundit.

Me këtë fitore ekipi i Xabi Alonso e çon rekordin si të pamposhtur në të gjitha garat në 51 ndeshje. Historia u shkrua në mes të një atmosfere feste në BayArena, me tifozët vendas që prisnin me padurim të shikonin skuadrën e tyre historike duke ngritur trofeun e Bundesligës.

Golat e Boniface në minutën e ’12 dhe Andrich në të 27-ën, bën që Leverkusen ta mbyllë këtë edicion në kuotën e 90 pikëve, teksa Augsburg u rendit në vend të 11-të me 39 pikë.

“Hirushja” Leverkusen shkruan historinë, mbyll sezonin pa

Sa i përket zonës se Champions League, katër skuadrat e tjera gjermane që do të luajnë në kompeticionin prestigjoz janë Stuttgart, Bayern Munich, RB Leipzig dhe Dortmund.

Finalja e UEFA Europa League përballë Atalantës, që do të luhet në mesjavë në Dublin është edhe ndeshja e radhës për Leverkusen, që synon një tripletë trofesh pasi ka siguruar edhe finalen e Kupës së Gjermanisë, ku do të gjejë Kaiserslautern.

A2 CNN Livestream

Debat - nga Alba Alishani