Interi ndryshon përsëri sponsorin në fanella. Në ndeshjen kundër Genoa, që do të luhet mbrëmjen e së hënës, zikaltërit nuk do të kenë logon e partnerit kryesor “Paramount+”, por ajo do të zëvendësohet nga “Breshkat ninxha”.
Kristjan Asllani ishte një prej yjeve të përzgjedhur për të prezantuar edicionin special të fanellës.
Mesfushori kuqezi mbante veshur uniformën e tretë me ngjyrë portokalli. Kjo është një mënyrë për të reklamuar transmetimin e filmit të ri të animuar nga “Paramount+”.
Diçka e ngjashme kishte ndodhur edhe në datën 9 dhjetor, në ndeshjen Inter-Udinese, ku zikaltërit luajtën me logot e Transformers në fanella. (A2 Televizion)
A2 CNN Livestream
MUND TE LEXONI GJITHASHTU
