Liverpool nuk e diskutoi kualifikimin në Fa Cup teksa shkatërroi 3-0 Southampton. “The Reds” dominuan takimin për 90 minuta ndonëse goli i avantazhit erdhi në pjesën e parë me Koumas. Në pjesën e dytë, skenën e mori talenti 18 vjeçar Danss, që shënoi dy gola dhe hipotekoi kalimin më tej. Kaq mjaftoi që Liverpool të merrte një biletë për në çerekfinale të Fa Cup .
Vuajti, por në fund festoi Chelsea që u kualifikua më tej në FA Cup. Blutë e Londrës e gjetën golin e triumfit 3-2 përballë Leeds, vetëm në sekondat e fundit të lojës dhe vazhdojnë më tej në turneun e dytë për nga rëndësia në Angli.
Manchester United mundi minimalisht Nottingham Forest dhe siguroi kualifikimin për në çerekfinale të Fa Cup. Djajtë e kuq provuan që në fillim për të kaluar në avantazh, por vetëm traversa iu mohoi golin. Nga ana tjetër dhe vendasit kishin rastet e tyre.
Heroi i sfidës ishte Casemiro që në minutën e 89, goditi me kokë dhe dërgoi topin në rrjetë, kaq mjaftoi që United të merrte një biletë në turin tjetër në Fa Cup. (A2 Televizion)
A2 CNN Livestream
MUND TE LEXONI GJITHASHTU
