Ardian Bajrami mbetet pjesë e planeve të Benfica edhe për të ardhmen. Mbrojtësi i Kombëtares shqiptare rinovoi kontratën me gjigandët portugezë deri në vitin 2026.
Djaloshi i lindur në Strugë pozoi me fanellën që mbante si numër pikërisht vitin e rinovimit përkrah Rui Costa, legjendës së futbollit luzitan, që aktualisht mban postin e presidentit të klubit.
Benfica rinovoi kontratën e Bajramit pasi disa skuadra kishin shfaqur interes për shërbimet e tij, megjithatë nuk përjashtohet mundësia që nga sezoni i ardhshëm, mbrojtësi të luajë i huazuar në një tjetër ekip.
Lojtari regjistron një ndeshje me Kombëtaren shqiptare, teksa aktualisht aktivizohet në ekipin B të Benficas, në Ligën e Dytë portugeze, aty ku mban edhe shiritin e kapitenit. (A2 Televizion)
A2 CNN Livestream
MUND TE LEXONI GJITHASHTU
