Playoff liga A, Uellsi sfidon Poloninë për biletën në EURO 2024

Nga Erald Kodhelaj
26 Mars 2024, 16:37 | Futboll

Playoff liga A, Uellsi sfidon Poloninë për biletën në EURO

Mbrëmjen e sotme do të luhen tre finalet playoff në Nations League, të cilat do të përcaktojnë edhe tre ekipet e fundit pjesëmarrëse në fazën e grupeve të Euro 2024.

Në Ligën A, sfidohen Uellsi dhe Polonia. Uellsianët kanë avantazhin se ndeshja luhet në Kardif dhe pasi kaluan me shifrat 4-1 Finlandën duhet të bëjnë një sforco të fundit. Në anën tjetër, Polonia që dështoi në grupin eliminator me Shqipërinë, ka shansin e fundit të luajë në Gjermani.

Në moshën 35-vjeçare Robert Levandovski duhet të shndërrohet edhe një herë në lojtarin vendimtar dhe të udhëheqë skuadrën drejt triumfit. Ai mund të mbështetet edhe te yjet e tjerë të ekipit, si Shezni, Zielinski apo Zalevski. Ekipi fitues do t’i bashkohet Holandës, Austrisë dhe Francës në Grupin D.

A2 CNN Livestream

Ditari nga Bruna Çifligu