Në prag të dy ndeshjeve të rëndësishme në muajin nëntor, futbollistët e kombëtares shqiptare po tregojnë një formë të shkëlqyer me ekipet ku luajnë. Myrto Uzuni vazhdon të bëjë detyrën në elitën e futbollit spanjoll. Këtë herë ai ka qenë protagonist me skuadrën e Granadës në ndeshjen përballë Villarealit.
Edhe pse ekipi i shqiptarit u mund 2-3 në shtëpi, Uzuni bëri një paraqitje të mirë dhe shënoi një gol duke ngushtuar diferencat. Në minutën e 34-të, Uzuni pasi shmangu bukur mbrojtësin kundërshtar, finalizoi saktë dhe dërgoi topin në rrjetë.
Megjithatë, kaq nuk mjaftoi që Granada e tij të dilte me pikë nga kjo sfidë. Ky ishte goli i katërt sezonal për sulmuesin e Kombëtares në La Liga.
Sinjale të mira këto edhe për trajnerin Sylvinho që në prag të dy ndeshjeve me kombëtaren shqiptare, kundër Moldavisë, fillimisht, më 17 nëntor dhe 3 ditë me vonë ndaj Ishujve Faroe në Tiranë, dy sfida të rëndësishme që vendosin për një biletë në Europianin e 2024. (A2 Televizion)
A2 CNN Livestream
MUND TE LEXONI GJITHASHTU
