Tensionet në veri, Borrell: Gati të shtojmë trupat e EULEX

Nga A2 CNN
13 Dhjetor 2022, 08:23 | Kosova
Tensionet në veri, Borrell: Gati të shtojmë trupat e EULEX

Shefi i politikës së Jashtme të BE-së, Josep Borrell, deklaroi se blloku është i gatshëm të shtojë praninë e forcave të Misionit të BE-së për sundimin e ligjit në Kosovë, nëse është e nevojshme, pas situatës së krijuar së fundmi, të cilën e cilësoi si të papranueshme.

Në një konferencë pas takimit të ministrave të Jashtëm, ai tha se incidentet e fundit janë me pasoja për qytetarët e Kosovës, Serbisë dhe gjithë rajonit.

“Që nga gushti, jemi në një rreth vicioz të konfrontimeve, provokimeve dhe reagimeve, që përshkallëzuan ditët e fundit, dhe kanë nxitur incidente serioze të sigurisë, përfshirë edhe një sulm ndaj misionit tonë, EULEX-it dhe ndaj policisë së Kosovës. Barrikadat që bllokojnë rrugët, njerëz të armatosur nëpër rrugë, nuk janë diçka që jemi të gatshëm ta pranojmë, nuk e pranojmë këtë nga partnerët tanë, që po aspirojnë një të ardhme evropiane. Kjo situatë duhet të përfundojë. Bllokadat duhet të largohen. Qetësia duhet të rivendoset”, tha Borrell.

https://a2news.com/2022/12/13/protesta-ne-beograd-ne-mbeshtetje-te-serbeve-te-kosoves/

A2 CNN Livestream

Dita jonë 2024