Sondazh: Të bëhesh i pasur në Shqipëri është:
  • E lehtë 0%
  • E vështirë 80%
  • E pamundur 20%

“Thuaj që e qëllove ti se dënohesh pak, se je e vogël”, babai turk vret të riun për muzikën e lartë, krimin ia lë vajzës së mitur

Nga A2 CNN
6 Mars 2023, 12:48 | Bota
“Thuaj që e qëllove ti se dënohesh pak, se je e

Një ngjarje tepër e rëndë ka tronditur Turqinë ditën e djeshme, ku një 30-vjeçar është qëlluar me armë zjarri në banesën e tij e për pasojë ka gjetur vdekjen në spital.

Fillimisht, u raportua se ai ishte vrarë aksidentalisht nga një vajzë e mitur, por ajo që hetuesit zbuluan më pas, i shokoi të gjithë, pasi rezultoi që autori i vrasjes ishte babai i të miturës.

Por si ndodhi krimi i rëndë dhe si babai tentoi ta fshehë atë duke ia hedhur fajin të bijës?

Mësohet se, Zeki Özezen pati një debat të fortë verbal me fqinjin e tij Kıral Dalkıran. Özezen po dëgjonte muzikë me zë të lartë dhe fqinji i kishte thënë që të ulte zërin, por viktima nuk kishte pranuar dhe këtu kishte lindur debati.

Në përleshje e sipër, 30-vjeçari u qëllua me armë zjarri nga fqinji i tij i inatosur, duke mbetur i plagosur rëndë dhe u dërgua menjëherë në spital, por fatkeqësisht nuk ia doli të mbijetojë.

Pasi e qëlloi fqinjin e tij, autori mori të bijën e mitur duke i thënë që kur të vinte policia t’i thoshte që ishte ajo që kishte qëlluar dhe jo babai i saj, pasi nuk do të dënohej për shkak të moshës, e kështu do ia hidhnin paq të dy.

Pas kësaj deklarate, i ati vrasës u lirua ndërsa vajza e tij u mbajt në kuesturë për marrjen e mëtejshme në pyetje. Por, gjithçka u zbulua përmes një letre që vajza e vogël shkroi nga burgu, ku ndër të tjera thoshte:

“Babi im e vrau, jo unë. Më thanë se do të merrja një dënim të shkurtër sepse isha e vogël dhe donin që unë të merrja fajin përsipër. Ata thanë se në burg ka një kënd lojërash dhe mund të luaja këtu. Por unë nuk jam fajtorja edhe pse e pranova".

Më pas, Kıral Dalkıran, i cili u ndalua sërish 4 ditë pas ngjarjes, u arrestua, ndërsa vajza e tij Ç.D u lirua dhe iu dorëzua nënës së saj.

Por, sërish autori këmbëngulte që ishte e bija që e kishte qëlluar fqinjin, por asnjë deklaratë e tij nuk u mor parasysh nga prokurorët e çështjes, të cilët kanë bërë kërkesë për dënimin e tij përjetë, ndërsa akuzohet pë veprën penale të “vrasjes me dashje”.  

Në vendimin e tij, Bordi i gjykatës fillimisht e dënoi Kıral Dalkıran me burgim të përjetshëm për "vrasje me dashje", më pas e uli dënimin në 18 vjet duke aplikuar uljen për veprën e "provokimit të padrejtë". Ndërkohë, për vajzën e tij nuk rëndon asnjë akuzë dhe është lënë e lirë.

A2 CNN Livestream

Ditari nga Bruna Çifligu