Wagner akuzon sërish: Ushtarët rusë u tërhoqën në veri të Bakhmutit

Nga A2 CNN
18 Maj 2023, 18:10 | Bota
Wagner akuzon sërish: Ushtarët rusë u tërhoqën në

Yevgeny Prigozhin, shefi i grupit mercenar rus Wagner, akuzoi ushtrinë ruse se janë tërhequr 570 metra në veri të qytetit lindor të Ukrainës, Bakhmut, duke lënë të ekspozuar krahët e luftëtarëve të tij.

Forcat Wagner kanë qenë në krye të sulmit ndaj Bakhmutit, një nga betejat më të përgjakshme dhe më të gjata të luftës.

Prigozhin, i cili ka akuzuar në mënyrë të përsëritur ushtrinë e lartë të Rusisë se nuk ka bërë mjaftueshëm për të mbështetur njerëzit e tij, i kërkoi ministrisë së Mbrojtjes të bënte gjithçka që mundej për të mbrojtur krahët e Bakhmutit pas asaj që ai pretendoi se ishte një tërheqje.

“Fatkeqësisht, njësitë e ministrisë ruse të mbrojtjes janë tërhequr deri në 570 metra në veri të Bakhmut, duke ekspozuar krahët tanë. Po i bëj thirrje udhëheqjes së lartë të ministrisë së mbrojtjes sepse letrat e mia nuk po lexohen”, tha Prigozhin në një mesazh zanor.

Wagner thotë se ka marrë pjesën më të madhe të qytetit të shkatërruar, megjithëse me kosto të madhe njerëzore. Por Ukraina thotë se forcat e saj kanë rimarrë territorin rreth Bakhmut ditëve të fundit.

A2 CNN Livestream

Dita jonë 2024