Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

Disfata e “Super të Martës”, Nikki Haley tërhiqet nga gara

Nga A2 CNN
6 Mars 2024, 12:41 | Bota

Disfata e “Super të Martës”, Nikki Haley tërhiqet nga

Duket se “Super e Marta” i dha goditjen finale garës së ish-ambasadores së SHBA-së në OKB, Nikki Haley në radhët e republikanëve për Shtëpinë e Bardhë.

CNN raporton se në orët në vijim Haley do të dalë në një deklaratë për mediat ku do të tërhiqet zyrtarisht nga primaret përballë Donald Trump.

Haley ishte rivalja e vetme e ish-presidentit Donald Trump në fushatën paraprake presidenciale republikane.

Përballja e nëntorit mes Joe Biden dhe Donald Trump është e pashmangshme dhe këtë e treguan dhe rezultatet e votimeve në primaret që u zhvilluan në 15 shtete dhe një territor, në atë që njihet me emrin e “Super të Martës”.

Kreu i Shtëpisë së Bardhë dhe paraardhësi i tij ishin fitues absolutë në këtë garë brenda partive të tyre, teksa mbi republikanen Nikki Haley presioni është në rritje për të lënë në mes këtë kandidim të saj.

Biden e Trump fituan në Kaliforni, Teksas, Alabama, Kolorado, Main, Oklahoma, Virxhinia, Karolinën e Veriut, Tenesi, Arkansas, Minesota e Masaçusets, teksa fitorja e vetme për Haley ishte në Vermont.

A2 CNN Livestream

Debat - nga Alba Alishani