Gati nisja e ndihmave, ndërtohet “porti i shpëtimit” nga SHBA në Gaza

Nga Xhevahir Qardaku
9 Mars 2024, 14:14 | Bota

Ndihmat humanitare jashtëzakonisht të nevojshme për Gazën pritet që të arrijnë në enklavë gjatë fundjavës përmes anijeve.

Duket se porti I improvizuar në brigjet e mesdheut është drejt përfundimit, gjë e cila do të mundësojë ankorimin e anijeve me ushqime, ujë dhe medikamente. Anija spanjolle, Open Arms, është planifikuar të niset nga Qipro - vendi më i afërt i BE-së me Gazën - dhe shpreson të përdorë rrugën e sapo hapur detare.

Mjeti lundrues do të transportojë 200 tonë ushqime të siguruara nga një shoqatë amerikane bamirësie. Në pikën e destinacionit, një ekip nga Kuzhina Qendrore Botërore ka ndërtuar një skelë për të marrë ndihmën. Grupi ka 60 kuzhina në të gjithë Gazën, ku do të jetë në gjendje të shpërndajë ushqimin.

OKB thotë se një e katërta e popullsisë së Rripit është në prag të urisë dhe lëshon alarmin se fëmijët po vdesin nga uria.

A2 CNN Livestream

Dita jonë