Sondazh: Çfarë ju pengon për t'u ushqyer shëndetshëm?
  • Çmimet e larta 50%
  • Mungesa e kohës 33%
  • Mungesë motivimi 0%
  • Lodhja fizike 17%

Zjarri në fabrikë, Lladrovci kërkon ndërhyrjen e helikopterëve të KFOR-it

Nga Tomorr Avdia
11 Mars 2024, 15:44 | Kronikë

Kryetari i Drenasit, Ramiz Lladrovci, ka dalë në vendin ku është përfshirë nga zjarri një fabrikë ne fshatin Korrticë e Epërme.

Lladrovci para mediave tha se pronarëve të fabrikës, u shprehu keqardhje për dëmin që iu bë. Ai ka kërkuar ndihmë edhe nga KFOR-i.

“Ne e kemi marrë lajmin rreth orës 11:00 që ka ndodhur zjarri dhe njësitë tona kanë kërkuar ndihmë prej njësive të komunave tjera të zjarrfikësve, të cilët i falënderojmë, sepse kanë reaguar zjarrfikësit e Lipjanit, Malishevës, Skenderajt e Prishtinës”, tregoi Lladrovci.

Kryetari i komunës së Drenasit, tregoi se ka kërkuar ndihmë edhe nga Qeveria e Kosovës.

“Unë e kam thirrur edhe ministrin Sveçla që niveli qendror të na ndihmojë dhe kam kërkuar nga ai që edhe KFOR-i të vijë me helikopterë të hedhi ujë. Këtu e kemi edhe zv.ministrin e Punëve të Brendshme dhe ekspertë të AME-së që po e shohin situatën”, deklaroi Lladrovci.

Ai shtoi se, sipas ekspertëve, helikopterët nuk mund ta ndalin këtë zjarr, pasi që është masë plastike.

A2 CNN Livestream

Dita jonë