Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

Pranohen peticionet e serbëve në Veri, më 21 prill votohet për shkarkimin e krerëve të komunave

Nga Tomorr Avdia
8 Mars 2024, 14:33 | Politikë

Komisioni Qendror i Zgjedhjeve (KQZ) ka vendosur që më 21 prill të mbahet votimi për shkarkim të kryetarëve në katër komunat në veri, Mitrovicë të Veriut, Leposaviq, Zveçan dhe Zubin-Potok.

Kjo u bë e ditur në mbledhjen e Komisionit Qendror të Zgjedhjeve. Kryeshefi i Sekretariatit të KQZ-së, Burim Ahmetaj, bëri të ditur për katër komunat në veri të dhënat lidhur me peticionet e serbëve.

Ai njoftoi se nga peticioni i organizuar në komunën e Leposaviqit, KQZ ka pranuar për verifikim listën me 3030 nënshkrime të plotësuara në 304 faqe.

Sipas tij, pas krahasimit me të dhënat e listës së votuesve e bazuar në numrin personal, rezulton se 2905 nënshkrues të peticionit janë qytetarë të Kosovës me të drejtë vote në këtë komunë.

“Pra, numri i përgjithshëm i votuesve në komunën e Leposaviqit është 13.441 votues, ku 20 për qind e votuesve për këtë komunë i bie të jenë 2689 votues, ndaj këto nënshkrime përbëjnë 20% të votuesve në këtë komunë”, ka thënë ai.

Ndërkaq, nga raporti i verifikimit të peticionit nga Zubin Potoku, sipas shkresës së pranuar nga kryesuesi i Kuvendit komunal lista përmban 1576 nënshkrime të plotësuara në 158 faqe.

Sipas Ahmetajt, pas krahasimit me të dhënat e listës votuese të bazuar në numrin personal rezulton se 1380 nënshkrues të peticionit janë qytetarë të Kosovës me të drejtë vote në këtë komunë duke plotësuar 20% që kërkon ligji.

 

 

A2 CNN Livestream

Debat - nga Alba Alishani