Janë ndarë çmimet e rekordeve Guinnes për vitin 2023, me personazhet që kanë vendosur një rekord, dikush për xhonglim, dikush tjetër për peshëngritje apo edhe për kafshët shtëpiake, siç mund të jetë macja më e gjatë në botë.
Karenjeet Kaur Bains, nga Anglia, është padyshim një nga vajzat më të forta në botë sepse arrin të mbajë jo vetëm peshë, por edhe të ulet në 1 minutë, 42 herë me peshë mbi supe. Karenjeet punon si menaxhere e financave, por peshëngritjen e ka pasionin e jetës, për të cilën stërvitet çdo ditë, 1 orë e gjysmë.
Njëjtë me të, po nga Anglia është edhe Jason Auld, atleti nga Edinburgu që arrin të ngrejë 68 kilogramë, teksa qëndron mbi rrotën e një biçiklete.
Dy të rinjtë anglezë, janë të parët që arritën të sigurojnë një rekord botëror Guinnes, për arritje të jashtëzakonshme.
Fitnessi është temë kryesore e rekordeve Guinnes, me 28-vjeçaren, spanjollen Kimberly Lester, që balancon aftësitë e saj në xhonglim, pasi me duar e me këmbë mund të rrotullojë e të hedhë në ajër, 6 objekte njëherësh për 30 sekonda, me duar e me këmbë.
Dhe rekordet janë nga më të ndryshmet, nga kërcimi mbi taka deri te hedhje në pistën e patinazhit apo qëndrimi mbi top dhe objekte të tjera mbi të.
Një nga më interesantet është qëndrimi mbi një dorë për 1 minutë e 11 sekonda, i Morelos, 25-vjeçarit nga Meksika.
Rekord ka thyer edhe gjermani Florian Kastenmeier i cili ka koleksionin e puzzle-ve rrotullues, më të madhin në botë, me 1519 kuba.
Ka edhe mes kafshëve një rekord të ri. Bëhet fjalë për 2 mace, njëra për bishtin më të gjatë prej 40.8 cm dhe tjetra si macja më e gjatë. (A2 Televizion)
A2 CNN Livestream
MUND TE LEXONI GJITHASHTU
