Shqipërinë e vizituan mbi gjysmë milioni turistë gjatë muajit të shkuar. Në raport me nëntorin e një viti më parë, numri i pushuesve të huaj është rritur me mbi 188 mijë apo rreth 53 për qind.
“Rritja e vizitorëve të huaj në Shqipëri është brenda pritshmëri. Kjo si pasojë e promovimit, veçanërisht nga sektori privat, për edhe politikave dhe zhvillimeve gjeopolitike që po ndodhin në botë”, tha Blerina Ago, eksperte e turizmit.
Të dhënat nga Ministria e Turizmit dhe Mjedisit tregojnë se nga fillimi i vitit e deri në nëntor në vend kanë hyrë mbi 9.5 milionë të huaj. Në krahasim me të njëjtën periudhë kohore të një viti më parë, numri i turistëve është rritur me gati 2.4 milionë apo 33 për qind.
“Tregu europian mbetet ai kryesor. Kemi një tendencë në rritje të tregut të Europës veri-perëndimore. Kjo edhe si pasje e marrëveshjeve specifike që Shqipëria ka bërë me disa shtete apo linjave direkte të shtuara në Aeroportin e Rinasit”, shtoi ajo.
Zgjerimi i turizmit edhe jashtë sezonit të verës duket tashmë një objektivi arritur, çfarë i dallon turistët e nëntorit apo tetorit nga ata të korrikut e gushtit që vijnë në Shqipëri?
“Janë turistë të cilët duan eksperienca më afër natyrës. Janë më lokalë dhe duan të jenë social. Është turizëm më i qëndrueshëm. Ka impakt më të madh ekonomik se sa vera”, bëri me dije Ago.
Pjesa më e madh e të huajve që hynë në vend në harkun e muajve janar-nëntor, gati 96 për qind ishin nga vendet europiane, ndjekur nga Shtetet e Bashkuara të Amerikës dhe Lindja e Mesme. (A2 Televizion)