A2 CNN ka siguruar pamjet nga plani i Dan Hutrës me tre të paraburgosur për t’u arratisur nga burgu i sigurisë së lartë në Fier. Në fotot e siguruara, shihen hekura e qelisë të prerë si dhe çarçafët e bërë në forma litari që do përdoreshin për arratisjen.
Gjatë kontrolleve nga punonjësit e sigurisë është rënë në gjurmët e planit të thurur së bashku me tre të paraburgosur të tjerë. Mësohet se në dhomën ku ishin të akomoduar, të paraburgosurit kishin nisur prerjen e zgarës së dritares me mjete te improvizuara.
Ndërkaq gjatë kontrollit u konstatua se edhe në dhomën e Dan Hutrës, ishin fshehur mjetet që do përdoreshin për arratisjen si një çarçaf i përshtatur si litar dhe mjete prerëse të improvizuara.
3 të paraburgosur të akuzuar për vjedhje kanë qenë bashkëpunëtorë të vrasësit të grave Dan Hutra në tentativën e tij të dështuar për t'u arratisur nga burgu i Fierit.
Ata janë Martin Kapllani, që mbahej në “arrest në burg”, për vjedhje si grabitës i një çante me florinj në një argjendari në Vlorë, Geraldo Veizi , në “arrest në burg”, për vjedhje në disa biznese e banesa dhe Feti Kovaçi, gjithashtu në “Arrest në burg” për “Vjedhje”. (A2 Televizion)
A2 CNN Livestream
MUND TE LEXONI GJITHASHTU
