Protesta te Bashkia e Tiranës, 12 protestues nga “Aleanca për Teatrin” vihen në hetim në gjendje të lirë

Nga A2 CNN
15 Maj 2024, 13:17 | Kronikë

Protesta te Bashkia e Tiranës, 12 protestues nga “Aleanca për

12 persona janë vënë në hetim në gjendje të lirë për shkak të protestës të organizuar një ditë më parë përpara Bashkisë së Tiranës. Personat e vënë në hetim janë pjesë e Aleancës për Mbrojtjen e Teatrit. Ndaj tyre rëndojnë akuzat për veprat penale "Prishja e qetësisë publike", "Shkatërrimi i pronës" dhe "Thirrjet publike për veprime të dhunshme".

“Drejtoria Vendore e Policisë Tiranë, në lidhje me aktet e dhunshme të ushtruara gjatë protestës së zhvilluar ditën e djeshme, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, procedoi në gjendje të lirë shtetasit:

- D. B., 27 vjeç, R. D., 19 vjeç, A. P., 46 vjeç, K. B., 21 vjeç, S. L., 68 vjeç, S. B., 48 vjeç, G. S., 53 vjeç, B. Xh., 34 vjeç, E. K., 22 vjeç, T. B., 39 vjeç, K. B., 34 vjeç, të gjithë banues në Tiranë, për veprat penale "Prishja e qetësisë publike" dhe "Shkatërrimi i pronës";

- A. K., 59 vjeçe, banuese në Tiranë, për veprën penale "Thirrjet publike për veprime të dhunshme". Materialet i kaluan Prokurorisë për veprime të mëtejshme”, thuhet në njoftim.

A2 CNN Livestream

Ditari nga Denisa Pasholli