Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

Publikohen pamjet, klientit nuk i pëlqen mishi dhe bën për spital kuzhinierin shqiptar në Selanik

Nga A2 CNN
20 Mars 2024, 10:35 | Kronikë

Publikohen pamjet, klientit nuk i pëlqen mishi dhe bën për spital

Një kuzhinier shqiptar është rrahur e plagosur pas një incidenti me një klient të pakënaqur në Selanik të Greqisë. Mediat greke kanë bërë publike pamjet, ku duket shqiptari që goditet me thikë në pjesën e barkut në restorant nga një klient, pasi nuk i pëlqeu ushqimi i servirur.

Në video duket momenti kur klienti fillon të qëllojë kuzhinierin, ndërsa bashkëshortja e tij tenton të ndalojë ngjarjen. Fillimisht, klienti ka bërë porosinë dhe më pas ka qenë dhe skena e plagosjes, kur fillimisht kanë debatuar klienti me kuzhinierin shqiptar. Më pas, klienti merr thikën e kuzhinës dhe qëllon shqiptarin në stomak.

Kuzhinieri në dëshminë e tij më pas tregoi se klienti agresor vinte prej 5 vitesh në atë restorant. Ai porositi diçka të lehtë për të ngrënë më pas kur erdhi porosia ai mbeti i pakënaqur dhe filloi debati. Klienti u ankua, kapi më pas thikën dhe goditi në pjesën e poshtme.

Shqiptari iu nënshtrua më pas një operacioni në spitalin e Selanikut. I pandehuri në rrëfimin e tij thotë se nuk e ka idenë se si iu gjet arma në dorë dhe se atë ditë kishte pirë shumë. Ndërsa avokati i kuzhinierit tha për mediat greke se nëse gruaja nuk do ta qetësonte disi, ai do ta godiste kuzhinierin për herë të dytë me thikë.

A2 CNN Livestream

Debat - nga Alba Alishani