Trafik heroine Turqi-Shqipëri-Itali, përfundojnë hetimet për 4 shqiptarët, roli i tyre dhe kush ishte “koka” e grupit

Nga A2 CNN
29 Nëntor 2023, 13:34 | Kronikë

Trafik heroine Turqi-Shqipëri-Itali, përfundojnë hetimet për

Prokuroria italiane e Catanzaros mbylli hetimet për operacionin që zbuloi lidhjen midis eksponentëve të krimit shqiptar dhe atij italian të Catanzaro, të akuzuar për një shoqatë që synonte trafikun e paligjshëm të drogës, zhvatjen dhe marrjen e mallrave të vjedhura.

Sipas mediave të huaja, droga, kryesisht heroinë, vinte nga Turqia dhe, duke kaluar nga Shqipëria, importohej në Itali nëpërmjet portit të Barit, për t’u shpërndarë më pas në qendrat e trafikut të drogës në Crotone, Catanzaro dhe provincat.

Sipas konkluzioneve të hetimeve, Arkez Dibrani ishte në krye të organizatës, me stacion në Shqipëri, nga ku drejtonte trafikun e drogës, duke marrë vendime për transportin e lëndës narkotike dhe duke siguruar drejtuesit dhe mjetet e një kompanie transporti për veprimtari të paligjshme, me qendër në Durrës.

Po ashtu, Dibrani u ndihmua nga Samuel Garuja, Isa Garuja dhe Samuel Muça. Të tre ishin përgjegjës për rrjetin e shpërndarjes së drogës në Catanzaro, duke vendosur kontakte me blerësit me shumicë të heroinës.

A2 CNN Livestream

Ditari nga Bruna Çifligu