Kur Enkelejd Alibeaj po pinte kafen e mëngjesit, vetë pak metra më tutje, Damian Gjiknuri u ul me Oerd Bylykbashin për te nisur së bashku një tjetër negociatë për reformën zgjedhore. Rikthimi i tyre së bashku në tryezë me të njëjtin mision nuk ishte përjashtues për ata që nuk janë apo ata që refuzojnë të jenë, në këtë rast demokratët e Lulzim Bashës.
Por ish-homologu i Alibeajt në komisionin e dështuar të reformës zgjedhore u kujdes të jepte garanci.
Dakordësia kryesore është se fokusi i grupit të punës në Komisionin e Ligjeve do të jetë reforma zgjedhore dhe përmbyllja e saj në afat duke adresuar rekomandimet e vëzhguesve ndërkombëtarë dhe vendimet e Gjykatës Kushtetuese për votën emigrantëve dhe listat e kandidatëve për deputetë.
Sipas marrëveshjes politike ky grup pune do të shqyrtojë ligjet që kërkojnë 84 vota. Dy palët u kujdesën që në vend të numrit të votave të përmendin fjalën konsensus.
Për Amnistinë Penale, Gjiknuri tregoi se negociatat po bëhen në zyra të tjera. Tryeza e bashkëpunimit ka zbutur edhe qëndrimin e demokratëve për këtë propozim të socialistëve.
Deputetët e opozitës së bashku me kolegët socialistë do të mblidhen të premten ardhshme me 5 prill, për të vendosur edhe kalendarin mbi të cilin do të vënë në shina punën e tyre një vit para zgjedhjeve. (A2 Televizion)
A2 CNN Livestream
MUND TE LEXONI GJITHASHTU
