Sondazh: Sa e rrezikon Shqipërinë përshkallëzimi i konfliktit Iran - Izrael?
  • Shumë 22%
  • Pak 78%
  • Aspak 0%

Integrimi në BE, Bullgaria konfirmon mbështetjen për Shqipërinë

Nga Ervin Koçi
26 Shkurt 2024, 13:40 | Politikë

Bullgaria nuk paraqet asnjë pengesë për integrimin europian të Shqipërisë në Bashkimin Europian, ndryshe nga qasja e ndjekur për Maqedoninë e Veriut.

Gjatë vizitës zyrtare në Tiranë, Kryetari i Parlamentit Bullgar, Rosen Zhelyazkov, i shprehu homologes shqiptare, Lindita Nikolla mbështetjen e Sofjes në proceset integruese të vendit.

“Anëtarësimi në NATO dhe perspektiva e anëtarësimit të Shqipërisë në BE janë një bazë solide për pikëpamjet e përbashkëta të dy vendeve për zhvillimin e Evropës dhe të rajonit. Bashkë me mbështetjen tonë politike, Bullgaria është e gatshme të ofrojë asistencë eksperte në procesin e anëtarësimit të Shqipërisë në BE.”

Kryeparlamentari Bullgar u shpreh se ndërmjet Shqipërisë dhe Bullgarisë nuk ka asnjë çështje të hapur, por i rikujtoi Lindita Nikollës miratimin e akteve nënligjore sa i përket zbatimit të të drejtave të minoriteteve.

“Ne besojmë se Shqipëria do të mbajë pozicionin e saj të qëndrueshëm për të garantuar plotësisht të drejtat e pakicave kombëtare dhe mezi presim miratimin dhe zbatimin e akteve nënligjore në zbatim të ligjit të miratuar në vitin 2017.”

Kryetarja e Kuvendit të Shqipërisë, Lindita Nikolla, nga ana e saj vlerësoi rolin e pakicës bullgare në Shqipëri si një urë lidhëse bashkëpunimi ndërmjet dy vendeve.

“Vendet tona i konsiderojnë pakicat kombëtare si urë përmirësimi i miqësisë së gjatë dhe të qëndrueshme, si dhe një aset për vlerat dhe shoqëritë tona.”

Gjatë vizitës së tij, kryeparlamentari bullgar u prit edhe nga Presidenti Bajram Begaj, në një takim ku vlerësuan bashkëpunimin e mirë ndërmjet dy vendeve.

A2 CNN Livestream

Ditari nga Denisa Pasholli