“Ne nuk jemi Serbia, por Europa e Ballkanit”, Rama flet pas Samitit të Malit të Zi

Nga A2 CNN
16 Maj 2024, 15:18 | Politikë

“Ne nuk jemi Serbia, por Europa e Ballkanit”, Rama flet pas Samitit

Pas Samitit të tretë rajonal të Liderëve të Ballkanit Perëndimor dhe Bashkimit Europian, i cili u mbajt në Kotorr të Malit të Zi, kryeministri Edi Rama zhvilloi një bashkëbisedim me gazetarët.

Sa i përket çështjes së integrimit dhe pesimizmit të Vuçiçit, Rama theksoi se kjo është normale, ndërsa theksoi se Shqipëria nuk është si Serbia, por Europa e Ballkanit.

“Tani që presidenti i Serbisë dhe Serbia të jetë më pesimiste se ne dhe se Shqipëria, kjo është gjëja më normale. Ne nuk jemi Serbia, ne jemi Europa e Ballkanit dhe ne jemi Shqipëria që me të drejtën e Zotit edhe me të drejtën e popullit shqiptar kërkon të ulet në tryezën e Bashkimit Europian dhe ndërkohë për këtë po punojmë në mënyrë të përditshme dhe me fiksimin që Shqipëria e 2030 të jetë gati për t’u ulur në tryezën e familjes së bashkuar europiane”, tha Rama me gazetarët.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli