Turi i Shqipërisë, mbyllet etapa e parë Tiranë-Krrabë, fiton britaniku Stedman

Nga A2 CNN
23 Maj 2023, 20:20 | Sporte të tjera
Turi i Shqipërisë, mbyllet etapa e parë Tiranë-Krrabë,

Turi i Shqipërisë në çiklizëm përfundoi etapën e parë me itinerarin Tiranë–Dushk –Krrabë. 50 garues sfiduan vetën në një terren të vështirë dhe nga reshjet që i shoqëruan për një pjesë të madhe të kohës.

Në fund fitues doli çiklisti nga Britania e Madhe Maksimilian Stadman që përfundoi garën në 3 orë e 20 minuta e 5 sekonda. Ndërkohë në vendin e dytë u pozicionua rumuni Kristian Raileanu, ndërsa greku Periklis Ilias e mbylli në vendin e tretë.

Rezultat të mirë regjistroi dhe çiklisti shqiptar Mikel Demiri që u pozicionua në vendin e katërt.

Ky është edicioni i 80-të i Rrethit çiklistik që është edhe i treti më i vjetër në Europë në çiklizëm. Gara që nis nga Tirana është e ndarë në pesë etapa, për një total prej 754 kilometrash, duke përshkruar qytetet e Lushnjes, Elbasanit, Vlorës, Përmetit dhe në fund mbyllet në Fier.

Kjo garë ka një rëndësi të veçantë për sportistët pjesëmarrës pasi sigurojnë pikë për në Lojërat Olimpike Paris 2024. 

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi