Veriu i Kosovës dhe barrikadat, Stoltenberg: Forcat e NATO janë në gatishmëri

Nga A2 CNN
13 Dhjetor 2022, 11:08 | Kosova
Veriu i Kosovës dhe barrikadat, Stoltenberg: Forcat e NATO janë

Sekretari i Përgjithshëm i Aleancës së Atlantikut Verior, Jens Stoltenberg, foli gjatë një interviste për mediat franceze në lidhje me zhvillimet më të fundit në veri të Kosovës, ku janë rikthyer barrikadat pranë pikave kufitare.

Stoltenberg u shpreh se NATO është duke monitoruar me kujdes situatën e sigurisë dhe se është e gatshme të ndihmojë në uljen e tensioneve.

“Forcat e NATO-s dhe BE-së bashkëpunojnë ngushtë. Këshilla ime për të gjitha palët është që të përmbahen nga retorika që kontribuon në përshkallëzimin e konfliktit dhe të ndihmojnë në uljen e tensionet. Forcat tona janë ende të pranishme atje përmes KFOR-i i cili ka gati 4000 anëtarë dhe është faktor kyç në stabilizimin e rajonit dhe situatës”, tha Sekretari i Përgjithshëm i NATO-s.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli