Policia ka vënë në pranga një 38-vjeçar në Dibër me qëllim ekstradimin në drejtim të Italisë, aty ku rezulton i dënuar për grup të strukturuar kriminal.
Policia bën të ditur se në pranga është vënë shtetasi Bledian Salkurti, 38 vjeç, banues në Peshkopi, i cili ishte shpallur në kërkim ndërkombëtar pasi Gjykata e Apelit në Venecia e ka dënuar me 4 vjet, 11 muaj e 10 ditë burgim.
“Ndalohet me qëllim ekstradimi, 1 shtetas i shpallur në kërkim ndërkombëtar, për veprat penale "Grupi i strukturuar kriminal" dhe Shkelje e ligjit mbi narkotikët".
Shërbimet e Sektorit për Hetimin e Krimit në DVP Dibër, gjatë ditës së sotme bënë ndalimin, me qëllim ekstradimin drejt Italisë, të shtetasit:
Bledian Salkurti, 38 vjeç, banues në Peshkopi.
Ky shtetas ishte shpallur në kërkim ndërkombëtar, pasi Gjykata e Apelit në Venecia, Itali, e ka dënuar me 4 vjet, 11 muaj e 10 ditë burgim, për veprat penale
"Grupi i strukturuar kriminal" dhe Shkelje e ligjit mbi narkotikët", parashikuar nga Kodi Penal italian.
Interpol Tirana, në bashkëpunim me autoritetet ligjzbatuese italiane, po vijon procedurat për ekstradimin e këtij shtetasi drejt Italisë”, njofton policia. (A2 Televizion)
A2 CNN Livestream
MUND TE LEXONI GJITHASHTU
