Koncesioni i sterilizimit, ish-ministri i Financave paraqitet në SPAK

Nga A2 CNN
17 Gusht 2023, 10:21 | Aktualitet
Koncesioni i sterilizimit, ish-ministri i Financave paraqitet në SPAK

Për llogari te hetimeve për koncesionin e sterilizimit pranë SPAK është paraqitur dhe ish-ministri e Financave Shkëlqim Cani. Ish-ministri është thirrur nga prokurorët e posaçëm si person që ka dijeni në lidhje me këtë koncesion, që ka çuar disa persona në pranga.

Kontrata e sterilizimit të pajisjeve kirurgjikale është një prej 4 projekteve të Partneritetit Publik-Privat me mbështetje buxhetore në sektorin e shëndetësisë, me zanafillë te programi i qeverisjes së kryeministrit Edi Rama pas ngjitjes së tij në pushtet në vitin 2013.

Kontrata u firmos në dhjetor 2015 mes ish-ministrit të Shëndetësisë, Ilir Beqja dhe kompanisë koncesionare Sani Service.

Dy ish-ministrat shkëmbyen korrespondencë nga tetori 2015 deri në janar 2016, ku Cani kërkoi fillimisht që të argumentohej se pse ishte zgjedhur koncesioni dhe jo prokurimi i zakonshëm.

https://a2news.com/2023/08/17/arrestohet-ish-zv-ministri-i-shendetesise/

A2 CNN Livestream

Dita jonë