Mblidhet Këshilli i Punës, sindikatat kërkojnë caktimin e minimumit jetik

Nga A2 CNN
16 Dhjetor 2022, 18:27 | Ekonomi
Mblidhet Këshilli i Punës, sindikatat kërkojnë caktimin e

Këshilli Kombëtar i Punës miratoi të premten strategjinë kombëtare të punësimit dhe aftësive, dokumentit që do të përdoret si pikë referimi për veprimet që duhen ndërmarrë në tregun e punës.

Ministrja e Financave dhe Ekonomisë, Delina Ibrahimaj, dha garanci përpara përfaqësuesve të punëdhënësve dhe punëmarrësve se ky dokument nuk do të mbesë në letër.

 “Vjen e shoqëruar me një plan veprimi konkret, synon të adresojë sfidat e momentit dhe të ardhjes, prek 7 vitet e ardhshme”, deklaroi aty ministrja.

Ibrahimaj njoftoi edhe krijimin e një grupi të posaçëm për të adresuar nevojat në fushën e bujqësisë.

“Kemi vendosur krijimin e disa komiteteve sektoriale për një diskutim më të thellë,  kemi përgatitur Komitetin e Turizmit dhe IT, dhe mendojmë së shpejti atë për Bujqësinë”, shtoi Ibrahimaj.  

Nisja e mbledhjes u shoqërua edhe vërejtjet e presidentit të Konfederatës së Sindikatave të Shqipërisë, Kol Nikollaj.

Ndër propozimet e sindikatave, ishte edhe përcaktimi i një minimumi jetik, nismë e cila është depozituar edhe në KQZ pas mbledhjes së rreth 21 mijë firmave të qytetarëve.

A2 CNN Livestream

Parashikimi i motit