Sondazh: Preferoni që emri i fëmijës tuaj të jetë:
  • Tradicional 42%
  • Modern 8%
  • I trashëguar 8%
  • Unik 42%

Konjufca reagon për Escobar: Me Britaninë kemi raport të shkëlqyeshëm, Londra s’është në komandë e Lajçakut

Nga Tomorr Avdia
20 Mars 2024, 10:11 | Kosova

Konjufca reagon për Escobar: Me Britaninë kemi raport të

Glauk Konjufca e ka përjashtuar Mbretërinë e Bashkuar, kur u pyet mbrëmë në një intervistë për marrëdhëniet e Kosovës me shtetet Perëndimore, të cilat - siç tha i dërguari i SHBA-së, Gabriel Escobar, javën e kaluar - janë të zhgënjyera me Qeverinë e Kosovës.

Konjufca tha se me britanikët Kosova ka “raporte të shkëlqyeshme".

“Unë nuk mund të them ashtu në mënyrë universale, me i fut të gjitha shtetet. Për shembull, unë mendoj që me Britaninë e Madhe kemi raport të shkëlqyeshëm”, tha Konjufca.

Konjufca përmendi vizitën e ish-kryeministrit britanik, kryediplomatit të tanishëm, David Cameron në Prishtinë në fillim të vitit. Ai tha se ishte më e mira ndonjëherë për Kosovën.

“Mendoj që vizita e Sekretarit të Jashtëm, ish-kryeministrin Cameron, ishte vizita më e mirë e jashtme që e ka pasur ndonjëherë Republika e Kosovës pas pavarësisë. Njëra prej vizitave më të fuqishme që më kujtohet mua prej vitit 2008, me mesazhe shumë të qarta për Serbinë, me mbështetje të parezervë për shtetin e Kosovës”, tha kryeparlamentari për Kanalin 10.

Në dallim nga diplomati amerikan Escobar, që sipas Konjufcës po e shtyn konceptin e emisarit të Bashkimit Europian për dialogun, Miroslav Lajçak është në anën e Serbisë, te britanikët thotë se nuk është e njëjta.

“Mua po më duket që Britania nuk është drejtpërdrejt kështu në kornizën e z. Lajçak”, tha Konjufca.

Escobar javën e kaluar ishte në Kosovë dhe tha se nuk mori dakordimin e kryeministrit Albin Kurti për disa çështje aktuale.  Ai gjithashtu tha se “nuk është hera e parë” që ndodh kështu.

A2 CNN Livestream

Ditari nga Denisa Pasholli