Departamenti Amerikan i Shtetit konfirmoi për Radion Evropa e Lirë se Shtetet e Bashkuara janë të “zhgënjyera” me thirrjet publike që Serbët e Kosovës të bojkotojnë procesin e regjistrimit të popullsisë.
Ky qëndrim vjen si pasojë e urdhrit të Listës Serbe ndaj komunitetit serb që të mos marrë pjesë në censin e këtij viti.
“Ne inkurajojmë të gjithë qytetarët e Kosovës që të marrin pjesë plotësisht në regjistrimin e popullsisë. Një regjistrim i saktë mundëson shpërndarjen e drejtë të burimeve shtetërore për të gjithë qytetarët. Ne njohim përgjegjësinë dhe autoritetin e Qeverisë së Kosovës për të zhvilluar procesin e regjistrimit të popullsisë”, thuhet në reagimin e Departamentit të Shtetit për Radion Evropa e Lirë. (A2 Televizion)
A2 CNN Livestream
MUND TE LEXONI GJITHASHTU
