Sondazh: Çfarë ju pengon për t'u ushqyer shëndetshëm?
  • Çmimet e larta 50%
  • Mungesa e kohës 33%
  • Mungesë motivimi 0%
  • Lodhja fizike 17%

I vuri tritol banesës së Ilir Koçiljas, policia: Autori ka dalë jashtë Shqipërisë, një ditë pas ngjarjes

Nga A2 CNN
3 Mars 2024, 11:47 | Kronikë

I vuri tritol banesës së Ilir Koçiljas, policia: Autori ka

Një javë pas vendosjes së tritolit në banesën e Ilir Koçiljas, i cili pak ditë më parë vrau me thikë Halil Kokën, policia e Durrësit ka zbardhur ngjarjen, duke identifikuar autorin e vendosjes së lëndës eksplozive. Sipas Policisë, nga verifikimet e kryera rezulton se autori ka dalë nga Shqipëria, një ditë pas ngjarjes.

“Dyshohet se autori është larguar me një automjet të marrë me qira, drejt lagjes nr. 6. Në vijim të veprimeve  procedurale për këtë rast, u shpall në kërkim autori i dyshuar, shtetasi F. Ll., i dënuar më parë për ngjarje të tjera kriminale të ndodhura në qytetin e Durrësit. Vijon puna intensive për kapjen e tij”, thuhet ndër të tjera në njoftimin e Policisë. 

Njoftimi i Policisë Durrës

Zbardhet ngjarja e ndodhur më datë 26.02.2024, në lagjen nr. 3, ku një shtetas i paidentifikuar vendosi lëndë eksplozive në banesën e një shtetasi.

Falë veprimeve të shpejta dhe profesionale hetimore, u bë i mundur identifikimi i shtetasit të dyshuar si autor i vendosjes së lëndës eksplozive. 

Nga verifikimet e kryera rezulton se ky shtetas ka dalë nga Shqipëria, një ditë pas ngjarjes.

Strukturat hetimore te Komisariatit të Policisë Durrës, pas një pune të thelluar hetimore, në drejtimin e Prokurorisë së Durrësit, bazuar në këqyrjen e kamerave dhe në inteligjencën policore, kanë bërë të mundur identifikimin e autorit të vënies së lëndës eksplozive në banesën në pronësi të shtetasit L. K., ku si pasojë e shpërthimit pati vetëm dëme materiale. 

Nga veprimet e shpejta dhe profesionale hetimore, administrimi i provave në vendngjarje, si dhe këqyrja e kamerave, dyshohet se autori është larguar me një automjet të marrë me qira, drejt lagjes nr. 6.

Në vijim të veprimeve  procedurale për këtë rast, u shpall në kërkim autori i dyshuar, shtetasi F. Ll., i dënuar më parë për ngjarje të tjera kriminale të ndodhura në qytetin e Durrësit. 

Vijon puna intensive për kapjen e tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Shkatërrimi i pronës me eksploziv”.

A2 CNN Livestream

Dita jonë