2 viktima nga shpërthimi në Lushnjë, 7 të plagosurit në gjendje të qëndrueshme, mes tyre deputeti i PS

Nga A2 CNN
2 Mars 2024, 09:13 | Kronikë

2 viktima nga shpërthimi në Lushnjë, 7 të plagosurit në

Dy persona ndërruan jetë, ndërsa 7 të tjerë, mes të cilëve edhe deputeti i Partisë Socialiste Bujar Çela, mbetën të plagosur si pasojë e një shpërthimi të ndodhur pasditen e së premtes në Lushnjë.

Shkak mendohet të ketë qenë rënia e linjës së tensionit mbi depozitën e gazit duke sjellë dhe shpërthimin e saj.

Dy prej të plagosurve, një 41-vjeçar dhe deputeti socialist u sollën për trajtim më të specializuar në Tiranë, nga ku mëngjesin e së shtunës mësohet se pas ndërhyrjes kirurgjikale, ata ndodhen në gjendje të qëndrueshme, nën monitorimin e mjekëve.

Fillimisht, në vendin e ngjarjes ndërroi jetë drejtuesi i eskavatorit që pati kontakt me linjën e tensionit të lartë, ndërsa më pas humbi jetën edhe i biri i tij, 24-vjeçari Elidon Hoxha. Ky i fundit u nis me urgjencë drejt spitalit të Traumës për një mjekim të specializuar, por për fat të keq nuk ia doli t’i mbijetonte plagëve të marrë.

Më herët, shefi i Urgjencës, Skënder Brataj tha se i riu kishte djegie të rënda në fytyrë dhe ishte futur në intubim.

Me anë të njoftimi zyrtar, policia njoftoi se ngjarja ndodhi pak pas orës 16:00 ku në një kapanon në ndërtim dyshohet se gjatë punës, një vinç, aksidentalisht ka prekur linjën e tensionit të lartë dhe për rrjedhojë ka ndodhur shpërthimi i fuqishëm.

A2 CNN Livestream

Dita jonë