Qëlloi me plumb në kokë pronarin e një pike shitjeje makinash në Krujë, vetëdorëzohet në polici autori

Nga A2 CNN
29 Shkurt 2024, 18:49 | Kronikë

Qëlloi me plumb në kokë pronarin e një pike shitjeje

Mbrëmjen e djeshme (28 shkurt) në Krujë, si pasojë e një konflikti për motive të dobëta, mbeti i plagosur, pronari i një pike shitje makinash, Artan Goga.

Autori 43-vjeçar, Perlat Merlika qëlloi me armë zjarri Gogën duke i shkaktuar plagë në kokë. I plagosuri ndodhet në spital, jashtë rrezikut për jetën.

“Krujë, ditën e sotme, është vetëdorëzuar në Komisariatin e Policisë Krujë dhe u arrestua shtetasi P. M., 43 vjeç, banues në Krujë. Ky shtetas, ditën e djeshme, për motive të dobëta, ka qëlluar me armë zjarri shtetasin A. G., i cili ndodhet në spital, jashtë rrezikut për jetën. Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.”, thuhet në njoftimin e policisë.

A2 CNN Livestream

Dita jonë