Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 11%
  • Kujdesi familjar 84%
  • Ndikimi i shoqërisë 5%

“Zbardhën” Breshian me kokainë, arrestohen për llogari të Italisë dy anëtarë të një grupi kriminal

Nga A2 CNN
5 Janar 2024, 11:11 | Kronikë

“Zbardhën” Breshian me kokainë, arrestohen për

Në dy operacione të ndryshme, policia e shtetit ka bërë të mundur arrestimin e dy pjesëtarëve të një grupi kriminal që ushtronte veprimtari kriminale në fushën e shitjes dhe trafikimit të sasive të mëdha të heroinës dhe kokainës.

Në Tiranë, u vu në pranga Dritan Idrizi (alias Dritan Xhepexhiu), ndërsa në Përmet u ndalua 40-vjeçari Elion Bejo. Të dy personat rezultonin të shpallur në kërkim ndërkombëtar, me masë sigurie “Arrest në burg”, nga Gjykata e Breshias.

Në Tiranë, në kuadër të operacionit “Alias”, u kap dhe u vu në pranga shtetasi D. I. alias D. Xh., 37 vjeç. Gjykata e Breshias i ka caktuar 37-vjeçarit, masën e sigurisë “Arrest në burg”, pasi akuzohet se gjatë periudhës 01.10.2019-31.01.2020, në bashkëpunim me shtetas të tjerë, ka trafikuar sasi të mëdha të lëndës narkotike kokainë, kryesisht në qytetet Bergamo dhe Breshia. Në Përmet, në kuadër të operacionit “The zone”, u kap dhe u vu në pranga shtetasi E. B., 40 vjeç. Gjykata e Breshias i ka caktuar 40-vjeçarit, masën e sigurisë “Arrest në burg”, pasi akuzohet se gjatë periudhës 07.10.2019-26.10.2019, në bashkëpunim me shtetas të tjerë, ka shitur lëndë narkotike heroinë dhe kokainë, në doza, me vlerë rreth 17 000 euro.

Ndalimi i tyre u bë me qëllim ekstradimin në Itali dhe procedurat do të nisin së shpejti në bashkëpunim me Interpolin.

A2 CNN Livestream

Ditari nga Erion Dushi