Arabët janë gati të bëjnë çmenduri për Rafael Leaon. Sipas “O Jogo”, Al Hilal ka ndërmend t’i paguajë Milanit klauzolën e lirimit të sulmuesit portugez, që është caktuar në 175 milionë euro.
Nëse kjo ofertë vjen, klubi kuqezi mund të mos e refuzojë dot dhe mbetet të kuptohet se cili mund të jetë vullneti i vetë lojtarit.
Sipas asaj që shkruan “O Jogo”, klubi arab synon të fitojë Kupën e Botës për Klube, kompeticion në të cilin do të marrë pjesë në verën e vitit 2025 dhe për këtë arsye i ka vënë sytë talentit portugez, gati për të trefishuar pagën aktuale prej 7 milionë eurosh që Leao merr te Milani.
Këtë sezon, Al-Hilal, një skuadër që ka në gjirin e saj lojtarë si Koulibaly, Milinkovic-Savic dhe Neymar, u bë kampione e Arabisë, duke dominuar kampionatin. Trajneri i këtij ekipi është portugezi Jorge Jesus, një arsye më shumë ndoshta për Leaon që të bindet për t’u transferuar në Arabinë Saudite. (A2 Televizion)
A2 CNN Livestream
MUND TE LEXONI GJITHASHTU
