Edicioni i parë i beach volley, Tirana Open 2023 u mbyll mes spektaklit, fishekzjarrëve dhe festës. Eventi që tërhoqi vëmendjen në kryeqytet u mbyll në mënyrën më të bukur të mundshme, duke shpallur edhe kampionët.
Kampionë për meshkuj u shpallën Ermal Maliqi dhe Erjon Bajrami nga Kosova, të cilët janë aktualisht edhe nënkampionë të Ballkanit në volejbollin në rërë.
Ata mposhtën në finale kapitenin e Kombëtares së volejbollit, Gazmend Husaj dhe vëllanë tij, Dardanin. Podiumi fantastik u plotësua me vendin e tretë nga Krist Martiro dhe Zheni Muça.
Çmimi i parë për vajza u fitua nga dyshja Adelajda Prenga dhe Xhudiena Kurti. Edhe kjo garë ishte tejet spektakolare dhe tërhoqi vëmendjen e publikut, me podiumin që u plotësua nga Valmira Ramadani dhe Loresa Avdyli në vendin e dytë dhe Jola Gjermeni e Vasilika Gjini në vendin e tretë.
Pas suksesit në edicionin e parë të Tirana Open në beach volley, premtimi është që ky aktivitet do të shndërrohet në traditë dhe do të jetë gjithëpërfshirës për të apasionuarit pas sportit të volejbollit. (A2 Televizion)
A2 CNN Livestream
MUND TE LEXONI GJITHASHTU
