Trazira për përplasjen e trenave, “digjet” Athina, protestuesit përleshen dhunshëm me policinë

Nga A2 CNN
16 Mars 2023, 14:14 | Ballkani

Populli grek nuk ia fal qeverisë, tragjedinë me përplasjen e trenave më 28 shkurt në Larisa ku humbën jetën 57 persona. Me bomba molotov dhe fytyrën e mbuluar, qindra persona protestuan dhunshëm në sheshin kryesor të Athinës.

Trazirat morën përmasa edhe më të mëdha në momentin kur policia ndërhyri për të shpërndarë manifestuesit. Zemërimi i mijëra personave në Greqi furnizohet kryesisht nga neglizhimi i respektimit të standardeve të sigurisë që u përcaktua si shkak i incidentit më vdekjeprurës me trenat në historinë e këtij shteti.

Personazhet më të dhunshëm mes protestuesve ishin të rinjtë, me policinë që reagoi duke lëshuar bomba me gaz lotsjellës.

“Nuk i zëmë besë asnjë qeveria, besojmë që vetëm populli do t’i shpëtojë njerëzit. Kërkojmë përmirësime të mëdha, për studentët, infrastrukturën dhe sistemin e transportit.”

GEORGIA TSAGARI, STUDENTE

“Mënyra e vetme që gjërat të ndryshojnë është që njerëzit të dalin në rrugë dhe të luftojnë.”

VASSILIS LAGOS, STUDENT

Njëkohësisht me protestën e disatë kundër qeverisë, po zhvillohet dhe një grevë e 24 orëshe e punonjësve. Kjo solli pezullimin e fluturimeve për në dhe nga Greqia, ndalimin e lundrimit të anijeve, mbyllje të shkollave publike dhe ndalim të shërbimeve publike.

Protestuesit akuzojnë qeverinë konservatore të Kyriakos Mitsotakis dhe sistemin politik të vendit për injorimin e vazhdueshëm të thirrjeve nga sindikatat për problemet e mëdha në sistemin e transportit.

Përveç 25 mijë personave të mbledhur në Athinë, mijëra të tjera kanë protestuar edhe në qytetet kryesore greke.

A2 CNN Livestream

Dita jonë 2024