Sondazh: Çfarë ju pengon për t'u ushqyer shëndetshëm?
  • Çmimet e larta 89%
  • Mungesa e kohës 0%
  • Mungesë motivimi 11%
  • Lodhja fizike 0%

Sulme kimike në qytetet gjermane!? Raporti: Pushtimi tokësor i Putinit, skenar i mundshëm

Nga A2 CNN
1 Mars 2024, 22:54 | Bota

Vladimir Putin mund të përdorë armë kimike në qytetet gjermane nëse shpërthen lufta me NATO-n. Paralajmërimi vjen nga deputetët gjermanë, ndërsa qeveria rrit planifikimin e emergjencës për një konflikt global.

Bundestagu gjerman ka publikuar një dokument informues prej 14 faqesh për deputetët, duke përshkruar një skenar të rastit më të keq në të cilin Rusia zhvillon luftë kundër Berlinit në katër faza, duke kulmuar me një pushtim tokësor si pjesë e një konflikti më të gjerë me NATO-n.

Gjatë fazës së parë, Rusia do të organizonte fushata dezinformomi në mediat sociale dhe mediat kombëtare për të minuar besimin në demokracinë gjermane dhe për të destabilizuar shoqërinë.

Kjo do të pasohej nga një fazë e dytë në të cilën Moska do të vendoste ushtarë në krahun lindor të shteteve të NATO-s. Ai gjithashtu do të shtonte sulmet kibernetike, spiunazhin dhe aktet e sabotimit në përpjekje për të penguar lëvizjen e trupave të anëtarëve të NATO-s, përfshirë Gjermaninë.

Në fazën e tretë, Rusia do të niste një sulm ushtarak konvencional në krahun lindor të NATO-s dhe do të godiste objektivat si Gjermania, më thellë brenda aleancës perëndimore.

Në fazën e katërt dhe të fundit, trupat ruse do të thyenin linjat mbrojtëse të NATO-s dhe do të pushtonin Gjermaninë, duke çuar në një luftë në shkallë të plotë "tokësore, detare dhe ajrore" midis forcave ruse dhe gjermane.

Dokumenti informues nuk mund të përjashtonte rrezikun që Moska të nisë sulme kimike ndaj Gjermanisë dhe të rritë kërcënimet për përdorimin e armëve bërthamore. Konfrontimi i armatosur në hapësirë është po ashtu i mundur.

Një luftë e gjerë do të mbërthente Evropën dhe do të përfundonte në një armëpushim, disa muaj më vonë, parashikon raporti i cili sugjeron edhe se do të ketë përsëritje të helmimeve me gazra nervorë nga ana e Rusisë.

Raporti nënvizon seeksperienca ka treguar se një agresor i mundshëm mund të jetë i përgatitur për të përdorur edhe armët jokonvencionale.

A2 CNN Livestream

Ditari nga Denisa Pasholli