Avionët e Aleancës mbërrijnë në Kuçovë, hapet baza ajrore e NATO

Nga A2 CNN
4 Mars 2024, 07:15 | Aktualitet

Avionët e Aleancës mbërrijnë në Kuçovë,

Do të përurohet sot në Kuçovë, baza ajrore e restauruar që tashmë është vënë në dispozicion të Aleancës së Atlantikut Verior.

Kjo bazë do të shërbejë si qendër për aktivitetet e Forcës sonë Ajrore, duke ofruar infrastrukturë të avancuar për avionët luftarakë dhe ata të transportit të Aleancës.

Punimet për rikonstruksionin e saj nisën në janar të vitit 2022. Prej asaj kohe, është punuar për sistemin e rrethimit dhe të sigurisë e po ashtu të mbrojtjes në perimetrin ku shtrihet kjo bazë.

Nga NATO janë të investuara afërsisht 50 milionë euro dhe më shumë se 5 milionë euro janë investuar nga qeveria shqiptare. Autoritetet shqiptare kanë marrë përsipër ndërtimin e perimetrit të sigurisë dhe rrugëve lidhëse, ndriçimit, vendosjen e kamerave të sigurisë së bazës, si dhe të sensorëve të zbulimit të ndërhyrjeve përgjatë rrethimit të bazës.

Baza ajrore e Kuçovës ishte pjesë e bisedimeve dypalëshe mes kryeministrit Rama dhe sekretarit Anthony Bliken.

Shefi diplomacisë amerikane deklaroi se kjo bazë do të ketë ndihmën e të gjitha vendeve partnere në NATO për pajisjen e saj me teknologjinë më të fundit.

 

A2 CNN Livestream

Ditari nga Bruna Çifligu