Prej 6 muajsh, 150 familje, banesat e të cilëve u dëmtuan nga tërmeti i nëntorit të vitit 2019, kanë marrë çelësat e apartamenteve të reja por pa mundur dot ti shfrytëzojnë ato. Objekti edhe pse i përfunduar është i palidhur me rrjetin e ujësjellësit dhe linjat e energjisë elektrike.
Edhe pse me çelësat e apartamenteve te reja në xhep ato vijojnë të jetojnë në banesa me qira, ndërsa prej dy vitesh nuk përfitojnë as bonusin e qirasë që jepej nga bashkia e Durrësit.
Ky është pallati i rindërtuar në lagjen nr.17 të Durrësit i cili duhet të strehojë 150 familje, apartamentet e të cilëve u dëmtuan nga tërmeti i vitit 2019. Por edhe pse kanë marrë çelësat e apartamenteve që në muajin qershor, ata nuk kanë mundur të futen në banesat e tyre, pasi autoritetet lokale nuk kanë lidhur as energjinë elektrike dhe as ujin. Për këtë arsye një pjesë e banorëve kanë protestuar para bashkisë së Durrësit.
Për të disatën herë banorët nuk marrin një përgjigje për problematikat e drejta që shtrojnë, ndërsa u premtohet një takim me kryebashkiaken e Durrësit në ditët në vijim. (A2 Televizion)
A2 CNN Livestream
MUND TE LEXONI GJITHASHTU
