Zbardhet dosja e arrestimeve në Portin e Durrësit

Nga A2 CNN
19 Korrik 2022, 11:25 | Kronikë
Zbardhet dosja e arrestimeve në Portin e Durrësit

A2 CNN ka zbardhur dosjen e arrestimeve në Portin e Durrësit. Në dosje theksohet se kontejneri vinte me 1200 kuti me banane dhe është konstatuar mungesë dhe zhvendosje kutish.

“Seksioni për hetimin e trafikut të paligjshëm dhe narkotikëve në drejtorinë vendore të policisë Durrës u vu në dijeni nga përfaqësues të Autoritetit Portual Durrës se gjatë kontrollit të kontejnerit u ishin hequr plumbçet e sigurisë gjatë kohës që ai ishte në mbikëqyrje dhe kontroll në vendin ku ruhen kontejnerët. Më pas, është hapur ky kontejner dhe është konstatuar se sipas dokumentacionit të dorëzuar në momentin e mbërritjes ishte i ngarkuar me 1200 kuti me mbishkrimin “Jumbo Bana King” të ndara në gjashtë rreshta. Gjatë kontrollit është konstatuar se rreshtat e mesit kishin mungesë dhe zhvendosje të disa kutive, ku mungonin 49 kuti me banane”, lexohet në dosje.

Në dosjen e Prokurorisë thuhet se kontejneri me banane, në të cilin mungonin 49 arka, është lëvizur nga kati i parë në katin e tretë, më datë 13 korrik. Kontejneri kishte mbërritur në Portin e Durrësit më 8 korrik, ndërsa u zbulua nga policia më 17 korrik.

https://a2news.com/2022/07/17/policia-e-portit-te-durresit-ne-alarm-gjendet-e-hapur-ngarkesa-me-banane/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli