Sondazh: A ju shqetëson lënia në harresë e Bibliotekës Kombëtare?
  • Po 100%
  • Jo 0%
  • Nuk më intereson 0%

“Ndërkombëtarët, zot shtëpie në Kosovë”, Rama: Nëse i kthejnë shpinën, vendin e presin ditë të zeza

Nga A2 CNN
8 Qershor 2023, 12:01 | Kosova
“Ndërkombëtarët, zot shtëpie në

Kryeministri Edi Rama bëri të ditur paraditen e së enjtes se pas një pune me një grup ekspertësh, kanë gati një draft për Asociacionin, që i është dorëzuar atyre që i cilësoi si kumbarë të procesit, kancelari gjerman, Olaf Scholz, dhe presidenti francez, Emmanuel Macron.

Rama theksoi se propozimi vjen në një kohë kur ndërkombëtarët po reagojnë ashpër ndaj qëndrimeve të mbajtura deri më tani, si nga qeveria e Kosovës ashtu edhe nga ajo e Serbisë. Dhe, këto qëndrime, sipas tij, janë një “luks” që Kosova nuk mund ta përballojë.

Ai theksoi se ndërkombëtarët janë zot shtëpie në Kosovë dhe nëse ata vendosin t’i kthejnë shpinën, ato që do të pasojnë nuk do të jenë ngjarje pozitive.

Ata që në këtë rast nuk janë ndërkombëtarët. Ata janë të zotët e shtëpisë në Kosovë si në asnjë vend tjetër. Ata e kanë krijuar atë shtëpi me bomba dhe shumëçka kanë bërë për atë shtëpi. Dhe për sa kohë ajo nuk njihet botërisht, ata ndërkombëtarët janë limfa vitale e asaj shtëpie. Në momentin që i kthejnë shpinën asaj shtëpie, mos ndodhtë kurrë, ajo shtëpi futet në ditët e veta më të zeza."

Teksa solli në vëmendje se homologun e tij në Kosovë po e “sulmon e gjithë bota”, Rama shtoi se si ai si Vuçiç nuk po fokusohen te çështja kryesore që është normalizimi i marrëdhënieve mes dy shteteve.

A2 CNN Livestream

Ditari nga Denisa Pasholli