Me rrobat e të burgosurit dhe pranga në duar, opozita “merr Veliajn” në protestë

Nga A2 CNN
10 Qershor 2024, 11:32 | Aktualitet

Sot opozita proteston sërish përpara Bashkisë së Tiranës dhe në këtë protestë të radhës nuk kanë munguar edhe simbolikat.

Në një manekin të veshur me rrobat e një të burgosuri, është vendosur fytyra e kryebashkiakut të Erion Veliajt. Sipas tyre, Erion Veliaj e ka vendin në burg, për aferën e inceneratorëve, por edhe skandalin me drejtorët e tij.

Ky manekin është vendosur në koshin e mbeturinave dhe është sjellë në protesta, teksa opozita mban fjalën e tyre. Gjithashtu, në foto, janë edhe drejtorët e Bashkisë me mbishkrimin “hajdut”.  

Pjesë e protestës është parë edhe e bija e ish-kryeministrit, Sali Berisha, Argita Malltezi, e cila është parë me 2 gishtat lart. Në ndryshim nga herët e kaluara, ajo nuk është shfaqur me bluzën “Lironi liderin e opozitës”.

A2 CNN Livestream

Debat - nga Alba Alishani