Sondazh: Çfarë ju pengon për t'u ushqyer shëndetshëm?
  • Çmimet e larta 0%
  • Mungesa e kohës 0%
  • Mungesë motivimi 0%
  • Lodhja fizike 0%

Rama e shkarkoi prej Ahmetajt? Gjiknuri: Kur të dal në pension politik do t'i shkruaj kujtimet

Nga A2 CNN
6 Shkurt 2024, 15:09 | Politikë

Gazetaret e pyetën Damian Gjiknurin nëse është e vërtetë se kryeministri Rama e shkarkoi nga posti i sekretarit të përgjithshëm të PS, për shkak se mbrojti Arben Ahmetajn, referuar vet asaj që ish-zëvendëskryeministri deklaroi nga arratia.

Ai anashkaloi përgjigjen e drejtpërdrejtë, duke theksuar se kur të dalë në pension do t’i shkruajë kujtimet e tij nga politika.

“Shpjegimet e mia i kam dhënë menjëherë në një konferencë për shtyp. Tani kur të dal në pension politik do t’i shkruaj kujtimet e mia”, u shpreh Gjinkuri.

Më herët, deputetët e Rithemelimit nuk lejuan bashkëkryetarin Damian Gjiknuri që të futej në sallën ku do të zhvillohej komisioni për reformën zgjedhore, duke i kërkuar që të ndryshohej bashkëkryetari, Enkelejd Alibeaj.

Për gazetarët, Damian Gjiknuri u shpreh i habitur se si dy grupet e PD po bllokojnë reformën zgjedhore, dikush fizikisht e dikush duke mos u paraqitur, siç ndodhi sot me bashkëkryetarin Enkelejd Alibeaj. Në çdo rast, Gjiknuri ritheksoi komoditetin që kanë edhe me Kodin aktual zgjedhor.

 

A2 CNN Livestream

Ditari nga Erion Dushi