Sondazh: Preferoni që emri i fëmijës tuaj të jetë:
  • Tradicional 42%
  • Modern 8%
  • I trashëguar 8%
  • Unik 42%

“Sterilizimi”, Ilir Beqaj zyrtarisht i pandehur

Nga A2 CNN
18 Mars 2024, 11:23 | Kronikë

Ish-ministrit të Shëndetësisë Ilir Beqaj, i është komunikuar sot akuza zyrtare nga Struktura e Posaçme Antikorrupsion në lidhje me koncensionin e sterilizimit.

Beqaj akuzohet për shpërdorim detyre të kryer në bashkëpunim dhe se nuk ka parandaluar konfliktin e interesit me biznesmenin Ilir Rrapaj dhe ish- zv.ministrin Klodian Rrjepaj.

Ndërkohë kjo nuk është e vetmja çështje ndaj ish-ministrit. SPAK ka nisur një çështje të re, pasi dyshohet se si drejtues i ASPAC ka përfituar nga fondet e BE-së dhe lidhje klienteliste me kompanitë farmaceutike.

Deri tani, për koncesionin 100 milionë euro në arrest me burg janë lënë ish-zv.ministri Klodian Rjepaj dhe biznesmeni Ilir Rrapaj. Ndërsa Beqajn, Prokuroria e Posaçme e ka lënë në detyrim paraqitje.

Gjykata e Posaçme e Shkallës së Parë për Korrupsionin dhe Krimin e Organizuar ka urdhëruar që ish-ministri i Shëndetësisë, të mos largohet nga territori i Shqipërisë dhe të paraqitet çdo të premte në policinë gjyqësore.

A2 CNN Livestream

Ditari nga Denisa Pasholli